Lo aa gaye fir Chunaav
Neta Laaye Vaade Hazar
Jhoote vaade jhootha vyavhar
Shuru ho gaya inka prachar

Jhooth Bolenge, tumko thhagenge
Mangenge vote tumse baar baar
Paisa de denge, Vote khareed lenge
Kab band hoga inka vyapar,

Janhit chhod, Swahit apnate hai
Besharam firbhi vote mangne aa jaate hai
Ek bar do tum inko aisa jawab
Na rahe satta na rahe laaz,

Aaj ke neta apradh ki duniya se aate hain
Jail se party wale Bail karwate hain
Jaat-dharam yeh Mudda banate hain
Beimani ki pariksha mein pratham yeh aate hai

Natejo ke baad aksar inke rang badal jaate hain
Chunaav ke baad hi ye Asli rang mein aate hain
Ghotale karne mein hain ye badi Cheez
Pehle jo thhe kangle unke ghar aa jaati hai Mercedez

Aur kya bataye ye kya abhinay dhiklate hain
Inhe abhinay dekh abhineta bhi sharmate hain
Chunaav ke samay santri, baad mantri
Pehle bane sewak, baad mein Sattadhari
Baad mein rakshash, pehle the pujari

Lo es baar kasam khaye yeh hum
Aapradhiyon ko vote nahi denge hum
Rang badalne walon ko nahi jeetayenge hum
Jaat-paat, bhed-bhav se uper uthhenge hum
Unnati, Vikas pasand neta chunenge hum